殭屍片《邪Mall》 由姜皓文及Candy飾演兩父女。
黎震龍執導的港產殭屍電影《邪Mall》，由姜皓文、COLLAR成員Candy王家晴及楊偉倫主演，將於10月31日萬聖節上映。《邪Mall》以「死場」為故事背景，講述一個舊區商場即將清拆，因一個意外導致商場內出現人傳人的殭屍，眾人於狹少的空間內展開一場大屠殺！商場內一眾租戶和訪客人人自危，紛紛表露人性真面目，而姜皓文、Candy及楊偉倫三人一同聯手守護未能逃走的人們，爭分奪秒逃出商場。
姜皓文及Candy在片中飾演兩父女，姜皓文飾演的「森哥」熱愛電影，在商場中開設影碟舖，性格固執難搞卻一生盡力為女兒準備最好；而Candy飾演的「阿欣」則相當孝順，時常花時間幫爸爸看舖。遠親不如近鄰，鄰舖由楊偉倫飾演的「麥師傅」一直與父女二人關係友好，今次共同面對商場出現劫數的大考驗。
對於得知電影將於萬聖節上映，三位主演都表現興奮，身在也門工作的姜皓文表示：「好應節呀！電影入面不單止有殭屍出現，而且係我第一次拍殭屍片，過程非常緊張刺激。我自己就比較喜歡同Candy嘅一段父女情。電影除咗感觀刺激之外，仲有溫情嘅一面，大家記得入場支持！」首度參與電影演出的Candy大呼期待：「好期待，今次亦都係我第一次會入戲院睇恐怖片，雖然唔係傳統嘅鬼片，入戲院睇所有感官嘅感受都會放大咗，加埋後期製作，所有畫面都更加真實，所以都有啲緊張，希望唔會自己俾自己嚇親哈哈。第一次知道係萬聖節上映，有種中西合璧嘅感覺，因為今次呢部戲夾雜咗中式三魂七魄嘅元素，但係係一個西方嘅鬼節上映，覺得好有趣！」至於另一主演楊偉倫笑言：「知道萬聖節上映，感覺好得意，希望觀眾都入嚟戲院應節，可以當入咗一間鬼屋探險咁！」為加強視覺效果，電影更邀請到曾参與《復仇者聯盟：無限之戰》、《移動迷宮：焦土試煉》等多部荷李活巨製的Mark Garbarino擔任特技化妝設計師，為戲中殭屍設計獨特恐怖的造型。
