2022-05-14 20:45:07

Edan被妹妹小如豬爆大鑊放屁唔開門要自己索番

出名是「妹控」的呂爵安（Edan），向來極度愛疼其妹妹「小如豬」，不時於社交網分享兩兄妹的合照，非常溫馨。考完DSE的小如豬，昨日在社交平台派福利，跟網民大玩你問我答，更大爆Edan的不少秘密。

有粉絲要求小如豬分享Edan的「黑圖」，小如豬笑言：「黑圖我把握唔到分寸，太醜會被威脅」至於可有嬲哥哥指她微胖有福氣，小如豬大方回應︰「講咗17年，已習慣（講真唔止微咁簡單hahah）。」其間她更順勢公開電話 set 了哥哥的來電名為「煩膠吕爵安 Edan」，相當可愛。

有爵屎（粉絲暱稱) 叫她分享哥哥的趣事，小如豬毫不留情大爆Edan 放屁要自己臭返，她表示︰「真係唔明點解佢自己放完屁要自己索番，唔開門通下風，次次打開房門都好驚。」不過，小如豬被問及Edan為人時，她卻大讚哥哥︰「老實講佢幾好，孝順屋企，關心照顧家人，識同人相處，有分寸，好叻活躍氣氛，有上進心有擔當，平時心態好，肯聽人意見，好多嘢我自己都好需要學習，如果可以冇咁煩最好。」更表示最喜歡聽Edan的《一表人才》，不過小如豬自言沒什麼音樂感，暫時沒意思入行。