首天開工，敖嘉年曬到全身兩截色。
ViuTV真人騷《中佬唔易做》張松枝、麥長青、敖嘉年、古明華、艾威及金像男配角袁富華，6位娛樂圈中佬齊齊嘗試轉行，上周播放張松枝和麥長青做街頭銷售員和貨van司機後，兩人蝦碌辛酸實況，引起不少迴響。本周敖嘉年和古明華接力，其中敖嘉年接受本報專訪時，便以「驚嚇」形容轉做電單車外賣員的經歷。
敖嘉年表示，最驚嚇是目睹同行炒車。
目擊意外，敖嘉年與工作人員立即衝上前幫忙。
敖嘉年自問喜歡駕電單車，但用來謀生卻很辛苦，因為好天曬落雨淋，連內褲濕透，「第一日曬到兩截色返屋企，全身汗，件衫濕完又乾，乾完又濕；點知第二日落大雨，有防水風褸都凍到全身震。」而最驚嚇是目睹同行在雨中炒車，「我和工作人員立刻扶起他，這位師兄要搵食，最緊張的不是自己，而是食物有冇損失，我睇到都心噏UP，幸好他沒大礙。」在兩日的送外賣過程中，嘉年自言雞手鴨腳，「既要顧住食物，又要望住電話的GPS，電話又無電，要泊埋一邊搵路和叉電，最終要去便利度租叉電！」他直言深刻難忘，學到演藝工作以外的求生技能，以及寶貴的應變解難經驗。
初次送外賣頻頻走錯路，敖嘉年要停車問路。
敖嘉年第二天開工遇大雨，全身濕透。
amJetso 送BIODERMA救星小紅瓶🩷護膚恩物 立即按此參加👇
