《十八樓C座》繼金剛叔之後，再有兩名廣播員中招。
商台廣播劇《十八樓C座》的「周老闆」金剛叔早前確診，現留院接受治療，暫無大礙，只感到疲倦。有指節目的播音員陳慕賢與朱雪梅亦告中招，陳慕賢在廣播劇中扮演「無牙三姑」和「周紅」，而朱雪梅則聲演「祥嫂」。商台方面回應表示：「一位播音員深喉唾液樣本呈陽性，正等待政府進一步指示。另一位抗原快速測試陽性，正等待進行核酸測試。」
朱雪梅在《18樓C座》聲演「祥嫂」。
陳慕賢在廣播劇中扮演「無牙三姑」。
節目交代周老闆去向
今日播出的《十八樓C座》以「周記今日唔開門」為題，內容提到周記可能暫停幾日，並指周老闆打開門做生意，當然很易中招，拉表叔繼指自己的結果是陰性，但不太清楚祥嫂情況。三姑出場指因為周記中招，所以要去排隊做檢測，並指自己驗完沒事。
《十八樓C座》自1968年7月起播出至今。
堅守崗位如常廣播
「拉表叔」馮志豐在節目開首說︰「疫情擴散，《十八樓C座》嘅周老闆，亦即係金剛叔確診新冠肺炎，我哋全組同事需要在家隔離一段時間，唔能夠返電台錄音，好多人會問周記茶餐廳會唔會關門呢？喺遵守防疫規定下，周記上下梗係要自我隔離，但我哋深信《十八樓C座》仝人深信，喺呢個困難時刻，我哋有責任堅守崗位，因為自1968年啟播以來，都風雨不改，為市民發聲，呢個係我哋嘅傳統同信念。我哋同好多香港人一樣，喺屋企隔離，但我哋會盡最大能力，喺屋企繼續維持呢個同香港人一齊成長、一齊呼吸嘅廣播劇。接下來呢幾集，聲音質素唔係咁完美，希望大家見諒！」最後他代表節目祝金剛叔早日康復，祝香港早日康復！
amJetso 送BIODERMA救星小紅瓶🩷護膚恩物 立即按此參加👇
