32歲Morning娘首代成員福田明日香，7月自曝與圈外老公因價值觀不同，已低調離婚1年，獨自撫養2歲兒子。近日佢上東京電視台特別節目，講到單親家庭，過得相當拮据，除咗居住空間狹窄，收入唔多，為節省日常開支，日用品全都喺百元(日圓)商品，最艱苦時，買過蘇打粉嚟洗頭，每個月伙食費，盡量唔超過1萬日圓(約693港元)。
福田明日香坦言，退出Morning娘後，曾一度患人群恐懼症，更討厭音樂，「那時我想，如果冇唱歌，就不會變成依家咁樣，如果從未接觸音樂，我的人生會變成點，或前途會更加光明。」節目出街後，佢自知失言，立即喺blog發文向fans道歉。