53歲荷李活影星尊尼狄普(Johnny Depp)，日前被財務公司The Management Group列出佢每月嘅支出，竟高達200萬美元(約1,560萬港元)！該公司指，尊尼應為自己陷入財困而負責。尊尼早前控告前財務公司理財不善，隱瞞佢嘅財困，但遭管理公司反控佢奢侈度日，包括花7,500萬美元買下14個單位、1,800萬美元裝修遊艇、每月仲要支出近70萬美元喺買酒、私人飛機保養及聘請40名保鑣，總共加起來，每月開銷至少200萬美元。佢又被指，喺2005年為好友兼知名記者Hunter S. Thompson葬禮花費300萬美元，並將對方骨灰當煙火放，又投資400萬美元喺朋友經營嘅唱片公司。
雖已入不敷出，佢仍要支付前妻Amber Heard 700萬美元金贍養費！管理公司透露，曾經建議佢要簽婚前協議書，但佢唔聽！該公司，要尊尼盡快俾56萬美元的服務費及找信用卡費。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
