日本男星成宮寬貴前年底因涉毒兼被迫出櫃後，毅然宣布引退，一度遠赴歐洲避風頭。日前《東京Sports》爆料，成宮寬貴為掩傳媒耳目，曾暫住喺一位未出櫃男歌手嘅男友屋企，引發網民好奇，猜測該男歌手是誰。
據悉，該歌手同男友拍拖多年，兩人住同一區，一直過住半同居生活。由於成宮寬貴同佢關係密切，去年夏天安排成宮寬貴搬去自己男友屋企。而成宮寬貴曾喺節目上公開講話同該歌手交情匪淺。網民翻查資料，發現佢曾喺節目《笑吓無妨！》上，除咗大讚平井堅超級型仔之外，仲透露兩人經常喺街上撞到，令人懷疑該友人就係平井堅。
入App免費換走健康產品
