有官司在身嘅關淑怡(Shirley)，今日突然喺IG出聲明澄清自己無吸毒亦無精神病：「我從沒有欠任何酒店或居住業主租金」、「而且我從未也不曾吸毒，更不可能在我居住的酒店房內會找到針筒」，她強調自己無精神病，同員工爭執，係因酒店唔人道與缺乏專業態度有關，揚言不會因此屈服，若再有毀謗不排除依循法律途徑解決，要外界「不要太過分」。
50歲嘅關淑怡近年負面新聞多籮籮，喺去年10月她失足墜海，有傳係佢情緒不穩，但之後佢現身解釋係飲多誤事；今年3月又被爆襲擊酒店工及欠酒店租金，遭酒店斷冷氣要求搬離，最後被職員以恐嚇等罪名告上法庭，上月26日首次開庭，律師申請將案件押後至7月10日聆訊。
入App免費換走健康產品
