2018-07-16 13:01:00

【又玩師生戀】有村架純新劇演老師戀學生

近年主力電影工作嘅25歲日本女星有村架純，終於有新劇推出。TBS電視台宣布，有村架純將會演出10月秋季劇《中學聖日記》。《中學聖日記》由同名漫畫改編，講述架純BB飾演嘅鄉村一間中學老師末永聖，雖然有位在大阪大公司工作嘅未婚夫，不過當佢遇上校內一名中三學生之後，竟然愛上咗呢位比自己小10年嘅學生。

有村架純表示，演出此類劇種有如玻璃一樣易碎，即是非常困難。由決定接拍到現時為止，一直與工作人員研究此劇，希望可拍攝一齣令人動心嘅作品。