日本型佬木村拓哉媽媽木村悠方子係心靈治療師,最近佢以組織代表身分公開演講,悠方子罕有地談及家嫂工藤靜香,這位奶奶說 : 「那位靜香小姐,我稱唔上喜歡或討厭佢。」嘩,咁即係唔鍾意喇! 就係木村媽媽呢番說話,網民立即搵番木村嘅模特兒舊愛伊藤香里出嚟,睇下佢咩樣同近況。結果真係Wow一聲,現年46歲嘅伊藤香里,幾年前同著名瑜伽導師柳本和也結婚,有兩名囝囝超幸福,最令人羨慕係46歲嘅香里仲保養得好好,絕對係「美魔女」嚟。反觀木村嫂工藤靜香,又黑又瘦皮膚又差,成日被網民cap佢嘅醜樣圖。早前日本傳媒更發現工藤靜香嘅「斜視」情況相當嚴重。
木村拓哉與伊藤香里拍拖9年,在1999年分手,木村喺2000年宣布同靜香奉子成婚。據聞木村媽媽好鍾意伊藤香里,木村唔聽媽媽話去娶靜香,唔怪得木村媽媽唔鍾意靜香啦!