細佬「摩羅星」：靚佬「湯告魯斯」
湯告魯斯56歲依然咁型，偶有失手啫。
行到人群位置，停步同fans傾偈。睇真啲？冇事啦!
在戲院台上，靚佬湯經常用手遮住褲鍊位，陰影呀!
《職工》注意力集中晒湯告魯斯，其實「超人」亨利卡維(Henry Cavill)都好靚仔。
好記得《賭俠》一幕，星爺為拜賭神為師，所以錄video介紹自己。對白係「賭神大人師父在上，細佬阿星在下。細佬3歲過澳門，4歲入葡京，5歲都賭到變成精.....」之後，「三叔」吳孟達問 : 「你拉出條褲鍊有咩意思呀？」星爺 : 「想嚇嚇賭神俾個下馬威佢。」
其實唔關星爺事，只係咁啱咁橋，荷里活型佬湯告魯斯(Tom Cruise)為新片《職業特工隊 : 叛逆之謎》(Mission : Impossible Fallout)到日本出席首映禮。穿上西裝戴上「黑超」嘅靚佬湯超型咁落車行紅地毯，點知被記者拍到佢無拉褲鍊，佢當然唔知「出事」，繼續揮手繼續行。當行到人群中，應該有工作人員提佢拉褲鍊，即刻型番晒。
可能有陰影，靚佬湯入到戲院上台Say Hi時，隻手都不時遮住褲鍊位置，好驚又「出事」。
入App免費換走健康產品
