姜濤表示，腦海常有一個spotlight打落身上的畫面。
現於台灣拍青春偶像劇《超感應學園》的姜濤，不忘做歌手的初衷，第5首個人單曲《孤獨病》將於明日(9月2日)正式派台，當晚8時首播的新歌MV，更是由姜濤處女執導，首次做導演的他挑戰高難度一鏡到底拍攝，務求為姜糖(姜濤粉絲)帶來驚喜。
由林奕匡作曲、陳詠謙填詞的《孤獨病》，講述一個人孤苦無依靠的內心世界，歌曲的孤獨主題，正好與姜濤腦海當出現的畫面匹配，他便主動向經理人花姐提出，順利成章成為MV的導演，「好耐以前就有一個spotlight打落嚟，得我一個嘅畫面喺腦海裡，但從來都冇合適嘅歌曲可呈現，今次遇上《孤獨病》，係一個好好嘅機會去用呢個idea。」
姜濤透露，早在拍《蒙著嘴說愛你》MV時已想一鏡到底，惜因種種因素未能實行，今次《孤獨病》可說是還了心願，他分享首執導演筒的過癮之處，「最好玩係可以坐喺導演位掌控成個MV，呈現心目中的畫面，可能開頭唔似你想要的東西，但慢慢就成形，是最過癮嘅地方。」過程中，他深切體會溝通的重要性，「要慢慢同大家溝通，才可做到心目中想要的畫面，看似很容易，但其實任何一支MV或影片，即使1秒鏡頭，都要很多工作人員配合才可完成，今次一鏡過拍攝都NG咗好多次。」
姜濤首執導演筒，向難度挑戰，一鏡到底。
姜濤主動向花姐提出腦海構思，促成首次執導《孤獨病》。
《孤獨病》MV一鏡到底，姜濤坦言NG多次。
對於自己首次執導，姜濤坦言已盡力並感滿意，「當然理想同現實有一定差距，但可以拿出來跟大家見面，已過到自己的關卡，即使成品未係100分，都希望大家睇到都會有『wow!』嘅感覺。」姜濤更表示，不排除下次執導拍跳唱MV。
amJetso 送BIODERMA救星小紅瓶🩷護膚恩物 立即按此參加👇
