就係呢副裝甲被賊人偷咗。
羅拔唐尼呢個手勢成為經典。
2008年首部《鐵甲奇俠》電影。
「復仇者」繼續有話題。據Fox新聞報道，2008年第1集《鐵甲奇俠》(Iron Man)嘅裝甲被偷。美國時間5月8日下午，工作人員喺加州Weidner Street嘅Pacoima貨倉點貨時，發現第1集《鐵甲奇俠》價值32萬5,000美元(約253萬港元)嘅裝甲唔見咗，警方接報後到場調查，推斷裝甲係今年2月至4月期間失竊。洛杉磯警方拒絕透露進一步詳情。Marvel將事件交俾迪士尼處理，至於迪士尼暫時未有回應。
「鐵甲奇俠」裝甲被偷嘅消息傳出後，網民就話 : 「係咪被『蟻俠』偷咗？」、「應該搵神盾局調查啦!」、「小偷肯定與鐵甲奇俠同一Level，警察邊有能力捉佢呀!」留言非常搞笑。
入App免費換走健康產品
