謝天華與周家蔚大講湊仔經。
洪金寶在不同場合被問到有關孫的問題時，都揚言希望洪天明與周家蔚盡快生多個孫，昨日他在《如珠如寶》首映會上說︰「我好想天明快啲生多個，但我又唔敢講，驚講完仲慢啲。我好傳統，鍾意大家庭，最好每個仔女生3個！」雖然洪金寶話唔講，但最後都隔空明示恨要多個孫的心願。
及至今日，謝天華應邀出席ViuTV節目《友枱VIP》，就大爆天明恨要多個小朋友。他說︰「天明成日都話好鍾意生女，豬女最好！」並告知身旁的周家蔚最遲要4月懷孕才可誕豬女。周家蔚聞言︰「好大壓力喎！3、4月都仲有時間，我同天明夾下啦！」
洪金寶曾多次提到恨要多個孫。