2023-03-14 18:21:01

「時尚教母」汪明荃曬包包似曬鹹魚獲讚可愛網民：生活的樂趣自己創造

唔少女生都鍾情於名牌手袋，向來喜歡打扮嘅汪明荃（汪阿姐）都唔例外，最近佢仲喺社交網站分享喺屋企「曬包包」嘅片段。從片中所見，阿姐至少擁有40至50個名牌袋，而且個個大有來頭，可以話係「手袋收藏家」。

走喺潮流尖端嘅阿姐，對唔同穿搭都有一番研究，好少失手嘅佢仲被封為「時尚教母」。最近佢上載一段喺西貢獨立屋「曬包包」嘅片段，阿姐將啲包包放滿幾張枱，有啲仲掛喺晾衫竹嚟曬，唔少人對佢嘅「曬鹹魚」式嘅保養包包方法感到有興趣，除咗容祖兒留言話「Cutie 阿姐」之外，唔少網民亦有留言，例如「人哋曬命，啊姐曬袋」、「Lisa姐啲袋要吸收維他命D!」、「亞姐又曬名牌袋」、「Liza姐一年一度的曬包季開始啦」、「So cute」、「生活的樂趣自己創造」及「風和日麗曬曬衣衫又同狗狗玩玩, 好有生活中的樂趣」等等。