鄭丹瑞 (旦哥)、周秀娜及鄧月平 (Larine)等領銜主演的賀歲片《小男人周記3之吾家有喜》，於將年廿九上畫。
片中Larine扮演小男人「梁寬」囡囡，性感女神娜姐演索爆女友，反而梁寬元配Ann (鄭裕玲)則未有參演。
日前旦哥與Larine到電台為鄭裕玲(嘟姐)節目擔任嘉賓，嘟姐親揭辭演《小3》之謎：「旦哥有同我講過，但係旦哥好明白，我又唔係好想拍戲，我都好老實同佢講。隔咗一段時間後，旦哥話我哋買晒你戲入面(《小男人》系列) 嘅鏡頭，呢個戲 (《小3》)話阿Ann過咗身，當你係鬼咁出現，咁你配音得唔得呀？我就考慮啦，真係唔好意思，旦哥，我覺得如果我聲音演出都係演出，咁我不如拍套戲，所以就婉拒咗。」
嘟姐辭演，旦哥直認失望，但理解對方選擇。
立即更新/下載AM730手機APP 體驗升級功能
