占美霍士(右)與「再生俠」創作人Todd McFarlane。
又爛面又係不死身，唔通與「死侍」有關？唔係啦，佢唔係Marvel亦唔係DC出品，而係另一美國漫畫Image創作嘅「再生俠」(Spawn)。有見超英片全球大收，Image漫畫宣布《再生俠》將於2019年重拍，找來奧斯卡影帝占美霍士(Jamie Foxx)飾演再生俠。
身穿盔甲掛上鐵鏈披上斗篷，雙手藏有尖刀有超強力量仲係不死身，咪勁過「死侍」？其實係。不過「再生俠」嘅故事比較超現實，講述再生俠被地獄魔王賦予力量和不死身，目的係叫佢回到人間捉拿壞人帶返地獄，令佢咃成為魔王軍團成員。當魔王擁有一定能力，就開始向天堂發動戰爭。因為被燒至毀容，所以再生俠亦要戴上面具「遮醜」。
《再生俠》曾在1997年拍成真人版電影，不過票房未如理想，重拍嘅《再生俠》由漫畫創作人Todd McFarlane)執導，今集講述占美霍士屬CIA成員，卻被同伴出賣而死亡，落到地獄後為了和太太重逢，決定變成「再生俠」重返人間，可惜太太已和好友結婚，令他性格大變，周旋喺天堂與地獄之間嘅戰爭。
《再生俠》將於2019年開拍，計劃拍攝三部曲，除了落實由占美霍士演出之外，現正物色演員加盟。
入App免費換走健康產品
