奇洛皮膚白白仲有少少腩肉。
動作片《殺神》(John Wick)的奇洛李維斯(Keanu Reeves)有型到爆，穿上專用西裝都可以身手敏捷，仲要著到身形勁fit。但話晒都58歲，除晒衫即露真身。演員工會罷工持續，一眾荷李活巨星難得清閒，一個二個去晒度假。奇洛都唔例外，上周與56歲妹妹Kim Reeves去到意大利卡普里島(Capri)出海度假。依舊留著殺神招牌式鬍鬚的奇洛，難得出海當然暢泳一番，赤裸上身的他原來皮膚都幾白，坐低時仲突出少少腩肉，但不失型佬。
邊歎香檳邊享受海風。
出海梗要落下水，點解唔除埋褲？
上水一刻佬味出晒嚟。
妹妹Kim大讚哥哥照顧有加。
超錫癌病妹妹
奇洛與家人關係非常好，尤其與他出海的妹妹Kim。1991年，Kim不幸患上白血病，奇洛決定停工陪伴妹妹治療。Kim憶述：「化療令我好痛苦，哥哥一直握住我手，從未離開過我。」與癌魔搏鬥10年，Kim終於戰勝。之後，奇洛設立基金幫助癌症病人。奇洛受訪時曾說：「我有個基金幫助研究癌症。我不愛基金有我的名字，只想這筆錢用作應該用的地方。」
amJetso 送BIODERMA救星小紅瓶🩷護膚恩物 立即按此參加👇
