謝芷倫親身扮死屍，但絕不好受！
《法證先鋒IV》新一個單元入面，海灘出現一具在真空袋內的女屍，死狀恐怖，女死者由謝芷倫親身上陣。李施嬅今日上載拍攝過程，片中見在真空袋內的謝芷倫，被工作人員抽出袋中空氣，在場的工作人員亦甚緊張。施嬅寫道︰「每一個鏡頭只能拍很短時間，就要cut幾，讓演員休息，做死屍真的很辛苦。裡面每一個做屍體都演員都好專業，好辛苦。 感恩這麼多人能夠目到他們的專業。」
謝芷倫對於網民質疑曾用假人上陣，她說︰「好多人好奇膠袋入面係咪真人？係啊，全程都係我啊，瞓喺解剖枱嗰個都係我啊，有著打底衣服嘅！」為免她窒息出意外，工作人員必須事前跟好作出溝通，更找人事前入袋試位，確保安全才讓她埋位彩排，所以她與工作人員必須要互相信任。鏡頭前幾秒鐘，鏡頭後幾粒鐘，謝芷倫今次拍攝絕不好受。她更呼籲各位觀眾不要學習︰「事前要和同事協調如何將膠袋抽空，其實第一次入膠袋後封左口，抽埋入面空氣，我就要控制呼吸，最後就要閉氣幾秒，其實抽真空只係停留幾秒，所以係安全嘅，加上已有人試過係可行，溝通過點樣做嘅，例如，萬一我喺膠袋入面真係好驚，抖唔到氣，要點樣表達」
工作人員抽真空時極小心。
問到有沒有想過拍攝時遇上意外，如何自救？Jan說︰「開頭都驚㗎，驚抖唔到氣又開唔切個袋，咪焗死？不過拍攝前，有一日我專程返公司研究同練習點樣做嘅，練習過好多次先真正拍，又拍左好多次，所以好放心亦好有信心做到。後來套劇岀左街，有同事問我當時我有冇拎住𠝹刀之類嘅利器，萬一有咩事可以自救，我真係冇啊！而家諗翻轉頭知我當時做咩咁大膽，連自救嘅方案都冇諗過，哈哈！就係太相信工作人員會控制住個時間，會監察住唔會有事。」
在戶外曝曬，仲要匿在密封膠袋，謝芷倫坦言勁焗！
這場戲拍了幾個小時，她表示不辛苦，最緊要岀來有效果。
她表示拍攝前，有專人試過在膠袋內能夠抖氣，之後再彩排。
入App免費換走健康產品
