Carol成個月冇開工，要求可否遲少少交租，卻遭業主拒絕。
本港第5波疫情肆虐，政府收緊一系列防疫措施，不少行業都被迫停業。「浸大E神」楊梓瑤（Carol楊焉）早年轉型開瑜珈教室，如今受到疫情的衝擊，生意大受影響，她在社交網大呻業主無人情味：「有頭髮邊個想做癩痢？」
Carol在社交網貼出與疑似租務部人員的對話截圖，對話中Carol指自己成個月無開工，要求可否遲少少交租，但遭對方冷酷拒絕，更表示：「政府有資助架喎，交唔到租都無理由要業主suffer架，如果你唔交租我地會睇下legal嗰邊有咩行動！」其後更cut線。
Carol上載對話，並憤怒表示：「有頭髮邊個想做癩痢？上手業主起碼都肯減管理費，雖然唔係多但管理費成$8000。轉咗新業主成幢大廈買咗，員工都唔同晒。其實都唔係叫你免租，都係想你幫幫手同業主反映睇吓可唔可以減租，你話可以幫我問一問上頭，其實我都收貨。如果市道好返大家真係要小心咁揀業主。」網民都紛紛留言戥她可憐，更表示疫情大家應該互相體諒一下。
