王喜今日現身李婉華的YouTube Channel。
王喜今日為李婉華的YouTube頻道《住加女人》的直播節目擔任嘉賓， 大談社會現象。李婉華表示很欣賞王喜拍的節目，以嬉笑怒罵的形式諷刺警察行為，王喜就指自己拍的《警棍》，由頭到尾都是由自己一個人負責做，無論幕前幕後也好，都沒有找朋友去幫手。
李婉華聽到眼濕濕。
他說︰「唔係我叻！係因為《警棍》有機會被秋後算帳，招來警察嘅關注、針對，我唔想連累任何人，一人做事一人當，就算有朋友話幫手上字幕，我都拒絕咗，唔想日後有咩事連累人……」王喜說畢，李婉華頓時眼濕濕。王喜續說︰「一人包辦晒唔係好叻嘅事，依家係香港做到咩都一腳踢，其實係想減少受牽連嘅人數目。《警棍》其實唔好笑，依家只可以用嬉笑怒罵的形式去反映荒謬，亦都用呢啲方式嘗試去避開檢控和危險，點解用呢個方式去表達，就係因為冇咗表達嘅自由。」
王喜在片中提及自己由藍變黃的經過。
王喜在片中表示自己在佔中時是「藍絲」一名，但現時變成「黃絲」︰「我係炎黃子孫，所以一定係黃，因為時局轉變，政府同警察表現比起梁政英政府更不堪……最大嘅誘使係警暴，由6月頭開始見到香港警察種種違法、暴力、酷刑，甚至有位女士出嚟講被輪姦，將近8個月內被警方迅速證實為死因冇可疑嘅超過六千具屍體，有受過九年免費教育嘅人就會明白。另外，一個月前油塘高翔苑有男人唔自然墮樓，發生地點係警察宿舍，警方又好迅速話冇可疑，原來解釋唔到就話冇可疑，更令我相信之前對警暴嘅指控係真的，亦令我開始講得出『XX死全家』。」
最後，王喜勉勵大家：「香港係一種精神，香港人就算散落喺唔同地方，只要有香港精神嘅地方，那怕只係劏房咁細嘅地方，嗰度都係香港。」
王喜製作的《警棍》全由他自己一腳踢。
amJetso 送BIODERMA救星小紅瓶🩷護膚恩物 立即按此參加👇
