小栗旬
小栗旬與間宮祥太朗玩換面。
間宮祥太朗
24歲日本男星間宮祥太朗出道10年，首次擔大旗，主演改編自轟動日本嘅「大牟田四人殺害事件」新片《全員死刑》，同事務所前輩小栗旬十分關心，除咗事前打氣，睇完亦大讚「做得好」，令間宮充滿信心。
間宮同小栗旬十分老友，間宮去年喺節目上透露，一次同小栗旬飲到酩酊大醉後，兩人瞓喺梳化上，由於間宮背對外，且留長髮，睇起嚟好似小栗旬攬住一個長髮女仔瞓覺，當時仲俾小栗旬太太山田優誤會。
間宮日前舊事重提，其實當日曾一度起身，發現自己瞓喺小栗旬身上，但佢又繼續瞓返，佢解釋：「因為小栗旬身材練得太大隻，瞓得特別舒服。」
