陳嘉佳
陳嘉佳（細細粒）近年轉戰內地擔任「吃播主」帶貨闖出名堂，高峰時期曾一晚賺800萬，體重高峰期曾達287磅，唔少網民都替佢健康感到擔心。去年因健康響起警號而積極減肥，信心大增嘅佢喺社交平台大曬泳衣、吊帶衫及着婚紗嘅照片，近日佢再次喺社交網站上載影片，不過身型就好似比之前脹咗唔少。
喺10月1日國慶，唔少藝人都有上載影片慶祝，當中包括細細粒，佢以「給我的祖國比一個心」為題出PO，上載影片及留言：「願山河無恙！祝繁榮昌盛！#國慶 #祖國萬歲」。影片中嘅細細粒紮上丸子頭，著上黑色連身裙，佢臉部五官同瘦咗嘅時候差唔多，不過身形睇落就好似翻脹咗唔少。
很多人說我瘦了很憔悴
早前，細細粒拍片指自己處於糾結狀態，直言考慮想變肥返：「我想胖回去，胖回一百八斤左右。然後就是很多人說我瘦了很憔悴，但我覺得我瘦了以後很精靈啊，然後就有很多說還是覺得胖胖的我比較好看，可愛，比較有特色？」她續指，減肥頭三個月感覺好痛苦，但過咗之後就唔痛苦。
細細粒仲話減肥令佢改變飲食習慣，而家都唔會飲凍嘢，並對自己減肥成績感滿意，不過就糾結應該肥返定係再極端一啲，真係瘦到110斤。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
