Gigi、Mike指，台慶當晚會演出串燒歌曲。
明天是無綫55周年台慶，一眾藝員正密鑼緊鼓進行排練，希望給觀眾一個精彩的演出。昨日歌手炎明熹(Gigi)和曾比特(Mike)等特別回電視城，為他們負責的演出環節「聲生不息福祿壽」彩排，這是Gigi和Mike自內地節目《聲生不息》後再度同台。
炎明熹指，台慶戰衣能突出她的優點，更叫觀眾拭目以待。
炎明熹預告新形象示人
Gigi接受訪問時表示，台慶當晚會以新形象示人，又稱與Mike繼續為大家送上好歌。Mike則稱：「今次係我喺內地返嚟第一個上嘅電視節目，我同Gigi同框出現，應該係7月嘅事，今次演出彌補到我同Gigi喺《聲生不息》冇合作過嘅遺憾。」Gigi聽後面露驚訝，Mike即時補白：「只得我哋兩個同台，唔計劉惜君嗰次。」
於內地工作大半年的Mike，自言最掛著街頭小食格仔餅。
After Class新歌不再純情？
談到內地工作體驗，Mike稱最高興是與一班前輩合作，「拍《披荊斬棘的哥哥》時，因為人生路不熟，好多前輩教我好多嘢，好似杜德偉，佢哋派咗好多定心丸俾我。」Mike指這次回港除了出席台慶，亦準備籌備新作。Gigi被問到女團After Class是否有新作時，她說：「新歌同《要為明日回憶》風格好唔一樣，準備開始推廣，觀眾密切留意。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
