杜汶澤出post宣布開騷，不少網民留言支持之餘，同時也擔憂一票難求。
近年專注網台節目的杜汶澤，今日宣布將於11月重返舞台舉行《Stand Up Hong Kong香港企硬》棟篤騷，這是在2013年首次舉行《咔啦騷》後，阿澤再次踩上舞台搞棟篤笑。杜汶澤在「喱騷」Facebook專頁發文宣布開騷，他表示，「戰火連天，瘟疫蔓延。逆境之中，『唔死得』都係對敵人嘅一種反抗！但香港人又該如何掙扎求存？2020年，CEO決定由網台再次踩上舞台，11月STAR HALL 企硬開咪，一連兩晚，烽煙中同你分享佢嘅亂世生存之道，全民裝備自己，奮鬥自強！」老公開騷，夫妻同心田蕊妮同步Share助攻宣傳，兩場棟篤騷在九龍灣國際展貿中心STAR HALL舉行，門票將於本周四(5月14日)早上10時開售。
杜汶澤上星期在個人社交平台發文，字裡行間預告即將開騷。
其實，杜汶澤早於上星期(5月6日)已在其個人社交平台有所預告，他發文回想首次開Talk Show由恐懼上台到大感滿足的心情，事隔8年，最令他慨嘆是，「當年今日，坐上有好多仲係好朋友，但亦有唔少已經成為陌路人。」他回想，由2014年(雨傘運動)至今「無穿無爛」已經非常重要，「其實，如果敵人想你死，你大難不死，已經係一種反抗！唔需要活得比你好，只需要活得到已經好好。不如我開個 show ，將呢幾年嘅奮鬥，講一次俾大家聽，好唔好？」最後，他總結說，「我今日對於呢個台，已經再無恐懼，作為一個香港人，今時今日，仲有咩好驚？無錯，我唔係邊個，只不過係700萬個香港人其中一個.......」
首次舉行Talk Show已是2013年的3場《咔啦騷》。
入App免費換走健康產品
