丁子朗彈跳力驚人。
無綫青春喜劇《青春不要臉》，前晚及昨晚兩集焦點，落在丁子朗（丁丁）及戴祖儀（Joey）身上。丁丁除演技被讚有進步。原來亦相當打得，先後在化妝舞會中「大腳屹起」勇擒色魔，再在波樓內以一敵十、潛行枱底避開幾十碌桌球棍的丁丁，手瓜起腱、腹肌結實之餘，更是身手靈活、彈跳力驚人、出拳及起腳均相當有節奏。
問到丁丁為何如此好身手時，他笑言：「好彩有好好嘅龍虎舞師傍住我，先完成到呢場戲。我自己本身都好鍾意拍打戲，好鍾意武術。呢場戲拍之前其實排咗兩個月，咁我拍之前就喺屋企不斷拉筋同練動作，好彩細個有打過功夫，但由於都好耐冇拉筋好硬，嗰時我每日一返到屋企就即刻拉，靠住度門一路將一隻腳撐上去，再一路睇劇本。」
Joey的搶鏡位則在於「犧牲度」及「可愛指數」。心地善良的她，因為不想訓練班同學不開心，結果在不是百分百自願情況下，選擇成為被掟蛋糕的下靶角色，結果被丁丁掟到「成面都係」；另輕舟為了保住角色，竟撒謊指小瑜有臭狐。小瑜聽到流言後，竟無厘頭地變成「舉手王」，只要見到認識的人就高舉胳肋底力證「清新無味」；由於小瑜高舉腋窩時一臉無辜，加上動作趣怪、表情可愛，Joey被網民大讚演得夠放。
戴祖儀被掟蛋糕仲笑笑口。
而在三大場面中，化妝舞會可謂最有睇頭，一眾主角的造型，包括女超人（劉穎鏇）、瑪麗蓮夢露（伍樂怡）、李小龍（丁子朗）及米高積遜（余德丞）等均相當吸睛。據知為拍出最好效果，數十名演員於拍攝前個多月已開始練舞，其中伍樂怡及余德丞，原來跳舞完全零天分，排練初期長期手腳僵硬，幸經排舞師多番輔導，最終順利過關。丁子朗受訪時透露，該場戲由下午三點多拍至翌日天光，拍攝認真：「仲要個個Shot都係跳舞同打架，好彩有一班好熱血嘅年青人（台前幕後）一齊去完成呢件事，否則無論心理或生理上都幾難捱；但一班人嘻嘻哈哈咁過，就算非常攰都非常之開心。」另在劇中有不少對手戲的Dickson與Kelly，更被大讚搶戲兼有CP感：「好合襯呀！希望無綫會開套劇畀佢哋做男、女主角，畀更多機會佢哋發展。」
戴祖儀動作趣怪、表情可愛，被網民大讚夠放。
amJetso 送BIODERMA救星小紅瓶🩷護膚恩物 立即按此參加👇
