俄羅斯世界杯決賽周今個月開始，日本隊有份入圍，有關足球嘅商品趁機宣傳。KLabGames推出漫畫《足球小將》嘅主題手機遊戲，搵嚟花式足球少女真嶋優拍廣告。廣告片中嘅真嶋優瞓醒就邊玩波邊落樓梯，去廁所之後換校服返學。穿上校服短裙仔嘅佢，返學途中都玩住花式足球，出神入化嘅技術吸引途人圍觀。
童星出身嘅20歲真嶋優，現時係Sony Music旗下藝人，因為樣子甜美，都有唔少廣告、劇集工作，加上花式足球玩得出色，所以被視為明年最期待新星之一。
入App免費拎荷花BB展入場券
