【X JAPAN主音現身】死侍同「雪緒」忽那汐里現身日本

型男賴恩雷諾士(Ryan Reynolds)昨日飛到日本，為自己主演的《死侍2》(Deadpool 2)進行宣傳活動，去到日本當然要帶埋片中飾演變種人「雪緒」嘅日本女星忽那汐里一齊造勢啦。賴恩與忽那汐里現身六本木宣傳，現場fans更打扮成死侍及雪緒支持，賴恩賣口乖大讚日本fans好細心。死侍喺片中造出「X」手勢話要組成戰隊X-Force，同樣以「X」為標記嘅殿堂級樂隊X-JAPAN主音TOSHI驚喜現身，同賴恩齊齊擺出「X」手勢。

另外，《死侍2》喺香港已大收4,500萬港元票房，至於日本就安排喺後日上映。