方力申單手抱B拍照拉傷，缺席游水比賽。
45歲的方力申與細14年太太葉萱(Maple)的B女Isla於上月出世，方力申升呢做老竇後，有女萬事足，經常在社交網分享與女兒的生活點滴，亦不時預告會再追多幾個小朋友。日前，方力申自爆為女兒影相時意外拉傷，就連舉手抖氣都痛，要缺席游水比賽。
Isla出世後，變成方家金叵羅。
連舉手抖氣都痛
方力申日前在社交網分享一張單手抱住Isla，另一隻手舉高高炒影Isla的照片，雖然動作看似簡單，但方力申卻不僅拉傷，他表示：「原本一陣間去游水比賽，點知就咁舉高影阿囡，我個背脊就X咗，使唔使咁渣呀？」他更上載一張背部泛紅的照片，寫道：「拉親舉手抖氣都痛」；不過，視女如寶的方力申仍開心滿足謂：「好彩張相都影得幾靚」。
萬千寵愛在一身
Isla萬千寵愛在一身，除了方力申被女兒徹底溶化，就連方爸爸方媽媽（爺爺嫲嫲）亦被孫女冧到「笑咪咪」。方力申在社交網分享一段溫馨的短片，可能因為方力申受傷，片中見兩老代勞帶孫女出外散步，方爸爸負責推著BB車，全程小心翼翼，而方媽媽就緊隨其後，兩老目不轉睛全程望實BB車內的孫女，面露微笑，畫面溫馨有愛就方力申更自爆會全天候監控女兒：「唔喺屋企我都成日𥄫住個女。有聲有畫，影相拍片，仲可以開咪講嘢！」
ADVERTISEMENT
【開APP領取】免費換領麥當勞叔叔之家利是封及揮春
