非常檢控觀｜吳偉豪未經訓練上演打鬥戲醫院換衫戲大曬結實「iPad胸」

由林志華監製、黎倩儀編審的TVB新劇《非常檢控觀》，演員計有馬德鐘、吳偉豪(Ricco)、賴慰玲、陳煒、陳曉華、游嘉欣、蔣家旻、張馳豪、李成昌、程可為等，今次吳偉豪首度在劇集中成為「動作擔當」，在三場打鬥戲中均有相當出色表現，除了「凌空飛腿」展示了驚人彈跳力、腰力及腳骨力，他的「直勾腿」無論向前或是向後均呈現完美的「90度角」；而在與黃長興的對打戲中，Ricco除了「直勾腿」放題，還一嘢的起「大隻仔」黃長興再過肩摔落地，整套動作完成得相當俐落！

監製關注靚唔靚仔

原來Ricco事前並沒有接受任何特別動作訓練，只是努力操弗自己迎戰，並自揭秘訣是拉筋：「主要都係做多啲gym，同埋拉多啲筋。我知道有唔少出拳同踢腿嘅動作，所以最緊要啲筋鬆，出嚟嘅動作先會夠靚。」除了打鬥連場， Ricco還有不少騷肌場面，無論是醫院換衫、或是與馬神晨跑一幕，Ricco都展示了超結實「iPad胸肌」、「朱古力腹肌」、「青筋麒麟臂」、二頭肌及背肌，完美顏值配以完美body，相當屈機；網民對於Ricco睇得又打得，亦忍不住洗版式讚型，兼對其白滑美肌有讚冇彈！而Ricco如此屈機其實全靠後天努力苦練：「我平時都會喺屋企做掌上壓、引體上升同重訓，去保持個身形。」並笑言監製林志華對其外表及身形要求極高：「一來我好在意自己個戲做得夠唔夠真實，而監製就好注重我出嚟夠唔夠靚仔，所以要同時兼顧呢兩樣嘢。」

度身訂造動作場口

向來看好Ricco的林志華，之前在《回歸》中成功憑「斯文眼鏡Look」，將Ricco由「朱凌凌」成功改造成「IT界才俊」；今次，林志華再度發功，除為Ricco度身訂造多場拳來腳往、打到飛起的場口後，還為他設計了不少「全紅」造型，無論是皮褸、襯衫或是跑衣，都以棗紅色為主。曾指Ricco有標準小生外形的林志華，受訪時笑言睇好Ricco極有潛力成為無綫2026年最火爆小生之一：「又勤力、又有顏值、又有外型、又有身手，真係好弗，睇好佢！」