黃日華與苗僑偉到場支持盧海鵬。
盧海鵬在文化中舉行《盧海鵬鳴金收咪演唱會》，傍晚他與一眾好友在後台拜神，發哥周潤發提前到場探班兼派利是，預祝鵬哥開騷順利。苗僑偉、戚美珍、黃日華、葉振棠、黑妹李麗霞、吳麗珠、王俊棠等一齊祈求順利。
三哥跟華哥指鵬哥是扮嘢能手，他們最欣賞他扮羅文、肥姐及欣宜。他們又提到鵬哥入行多年，當然有不少人想入場睇鵬哥收咪，所以門票火速售罄，笑指鵬哥可能明天又再開咪。他們表示今次鵬哥叫到，當然幾忙都會出現撐場，大讚他是一個很值得學習的前輩，他為人風趣，，但一開聲就凶神惡煞又嚇不到人。
問到有沒有被鵬哥「試咪」，華哥說：「喺藝員訓練班嗰時，成個廠幾十人，我有一句對白講完就收工，但係我講唔到，俾盧海鵬開咪鬧！我一世都記得，幾想搵窿捐！」三哥笑指鵬哥欺善怕惡，他說：「嗰陣我黑黑實實，望落又大隻，佢一想開咪，我就吼佢，佢就話『黑𡃁仔行開啦！』因為我嗰陣真係好黑！」
ADVERTISEMENT
【開APP領取】免費換領麥當勞叔叔之家利是封及揮春
