翁子光與金燕玲和監製孫霏出席《金多寶》首映禮。(林俊源攝)
翁子光首次執導賀歲將於本周四(13日)正式公映，導演聯同金燕玲、鍾雪瑩、呂爵安(Edan)、李尚正及楊詩敏(蝦頭)等一眾演員，昨晚(8日)於沙田舉行首映，並請來蔡國威主持六合彩攪珠儀式。翁子光與監製孫霏在台上互相立誓，笑言若然《金多寶》唔收得就跟對方姓。翁子光和金燕玲受訪時，翁導笑指，「如果票房好，我跟大家姓，全港姓『贏」。」談到票房期望，他半說笑指如戲中的金多寶獎金達8000萬，「唔講數字，希望回到本，我真係投咗好多錢！好似鄭秀文演《夜王》嘅預告片有句對白：『我成世人都未試過爭人咁多錢』，我好想講呢句對白。」
盼票房如《正義迴廊》收逾4千萬
同樣首拍賀歲片的金燕玲表示，「即係我哋係一部有質素嘅戲，大家睇得開心又感動，希望票房可以令導演回本先。」她指暫時聽到不少正評和口碑，已感安慰。」再追問如何才能封蝕本門，翁導才答道，「可以有《正義迴廊》咁多，因為我哋都唔係拍得平，要保住質素，加上要趕檔期。」2022年上畫的《正義迴廊》，破歷年的三級片紀錄，最終收4300萬。金燕琴初與Edan和鍾雪瑩合作，大讚兩人態度好，「Edan見到我就一鞠躬，因為冇人介紹認識，第一場戲就喺別墅拍，呢位小朋友好掂，因為佢冇包袱，就我最欣賞嘅地方。」
許冠文客串兼傾劇本
《金多寶》有不少巨星客串，翁子光表示最大挑戰是邀請曾在《風再起時》合作的許冠文(Michael)客串，「因為Michael已經唔係經常拍戲，雖然我搵佢都好爽快應承，幫得到就幫，但佢對劇本要求好嚴謹，唔單止自己的戲份，係成部戲都同我研究，覺得結局要怎樣。所以而家入場睇到結局覺得有驚喜，有七八成要歸功於Michael，佢要求一部戲要點完場令大家離場感最好。」他指原本許冠文只拍一日戲，但主動提出拍多一日，毫不計較。金燕玲知悉與許冠文合演夫妻，自言非常緊張，「佢係一位好值得尊敬的演員，仲有古生(古天樂)啦、鮑姐(鮑起靜）、谷祖琳啦，呢部片唔止劇情感人，佢(翁導航拍呢部戲有經濟困難，大家都雪中送炭。錦上添花成日都有，但雪中送炭真係好難得，所以我哋好幸福。」
ADVERTISEMENT
送大埔超級城《金馬喜迎春》禮盒
