阿正33歲生日連還收驚喜。
叱咤903電台節目《Bad Girl大過佬》的主持阿正（黃正宜）近年人氣急升，廣告商演主持賺到盤滿缽滿。日前（15日）阿正迎來33歲生日，向來圈中人緣極好的她，收到不少生日驚喜。
膠友突襲
繼拍檔森美和Elsie在節目中，特意安排阿正的偶像、台灣歌手盧廣仲化身聽眾「Michael」致電節目，令壽星女驚喜得崩潰尖叫！《膠戰》膠友劉沛蘅（Hillary）在當日撘正12點更突擊走到阿正屋企送上驚喜；Hillary一直與阿正在線上打麻雀，但其實已買好蛋糕，企定定在她的家門外，等到夠鐘就即刻撳鐘，壽星女開門大感驚喜，並表示：「Oh my god你問我喺邊度，我已經估到你，後尾又見你都冇講啲乜嘢，又打牌，Okok ，唔會咁癲嘅條女！」二人一同大唱生日歌，穿上睡衣的阿正更尷尬表示：「好污糟呀呢隻嘢，好似冇着衫咁」。
天后祝福
經過連日來一連串的慶生活動後，今日（16日）阿正在社交網分享多張慶生照，並開心表示：「呢排我開心到懷疑耶穌係咪要接我走，唔好啦 ，你哋個個都咁錫我，想同你哋簡約地愛多80年。」就連天后鄭秀文亦有留言送上祝福表示：「Happy birthday to you.心想事成。」
ADVERTISEMENT
立即更新 /下載AM730手機APP 體驗升級功能
