【尋求安慰】金敏喜洪尚秀搬回老家陪父母

36歲南韓影后金敏喜同大21歲導演洪尚秀，前年不倫戀曝光後，佢地雖然唔理旁人眼光，經常高調放閃，但仍然承受唔住公眾嘅指罵，據聞佢地已搬到金敏喜位於京畿道河南市嘅老家暫住。
金敏喜為愛甘做小三、犧牲演藝事業，更一度同家人鬧翻。不過金敏喜父母不捨女兒被千夫所指，今年3月金敏喜及洪尚秀被捕獲同金敏喜父親喺河南市行商場。據悉，最近金敏喜更同洪尚秀由首爾玉水洞高級住所，搬到父母屋企附近，有更多時間同家人相處。