羅家英一時認錯伍仲衡做吳國敬。
伍仲衡因為跟無綫爭奪新生代唱將洪心怡，而被飛出《中年好聲音》，令他幕前的曝光率大減。不過，伍仲衡仍會定期開直播跟網民互動，又會在社交平台分享近況。日前他就提到去踢波時遇到羅家英的趣事，家英哥將他誤認做另一音樂人吳國敬，伍仲衡更不怕大家笑，在網上公開這則笑料。
他留言說：「有一次踢波見到家英哥，家英哥離遠見到我，我聽到佢講咗兩個字：阿敬！可能佢心諗，乜阿敬肥咗咁多！今次再見到家英哥，即刻同佢影張相！家英哥，我唔係阿敬，我叫衡仔呀！不過真係都有唔少人話我似！祝家英哥龍馬精神，身體健康，同阿姐甜甜蜜蜜，生活愉快！」
吳國敬與伍仲衡一樣愛踢足球，搞音樂，加上二人的髮型相若，又難免認錯。吳國敬昔日也是香港明星足球隊成員，現時多見他跟叻哥陳百祥的「精裝明星足球隊」四圍去，到內地踢波兼表演。吳國敬曾為不少歌手作出膾炙人口的歌曲，包括蘇永康《越吻越傷心》、張學友《我應該》及張栢芝《任何天氣》等，而他的個人專輯《Gemini Dream》於90年代賣出白金數字銷量，一首《我說過要你快樂》唱至街知巷聞。
ADVERTISEMENT
送健之堂石墨烯艾草暖宮經痛貼
