陳冠希為女兒搞生日會 亂髮造型被指撞樣陳勳奇
男神Edison陳冠希同太太秦舒培為女兒Alaia喺海邊巨宅舉行9歲生日會，囡囡朋友仔同一眾親友都有到賀。貴為「潮神」的Edison在生日會當日以印上女兒卡通版圖案嘅tee示人，一頭隨意的髮型加上留鬚look，相當有daddy味。唱生日歌時陳冠希肉緊地搣愛女面珠，又拉埋太太一齊錫錫囡囡，場面十分溫韾。
有網民討論陳冠希外表時，配上著名電影人陳勳奇舊照，直呼Edison同前輩撞樣，甚至有人認為似埋林子祥！Edison全盛時期近乎零死角，有網民就大嘆「我終於有機會靚仔過佢啦」。
壽星女Alaia越大越似媽咪
45歲的陳冠希外表話題常在小紅書被討論，網民驚訝Edison皺紋暴現，但係近期陳冠希為品牌拍的宣傳片，一出鏡又變返男神，似乎Edison「下班後」都寧願隨意生活，將時間心機留俾屋企。至於壽星女Alaia就有唔少人認為越大越似媽咪，而且越來越有少女味。
原文刊登於 Yahoo娛樂圈
網民指Edison陳冠希與前輩陳勳奇撞樣
ADVERTISEMENT
送健之堂石墨烯艾草暖宮經痛貼
