【天后又如何？】Beyonce夫妻巡唱少人睇要派飛

現今世界樂壇，有幾多位唱手嘅演唱會係必睇？Bruno Mars？Maroon 5？Katy Perry？都係嘅! 呀，仲有Beyonce。唔係喎，就算佢孖老公Jay Z一齊開騷，都要派飛俾人睇。據英國《每日郵報》報道，Beyonce同Jay Z喺今月初開始巡迴演唱會《On the Run II》，樂迷應該好期待。不過報道指，日前喺蘇格蘭格拉斯哥舉行嘅一場，因為門票滯銷，所以要派飛填位。網民留言演唱會舉行當日有人喺場外派飛，買咗平飛嘅觀眾又可以轉坐貴飛座位。有觀眾就影埋當日場館相片，好多空位用黑布蓋上，睇落冇咁「肉酸」喎。