原定於本月22日舉行的慈善越野賽「揹水一戰」，昨日(8)在無預警下突宣布取消賽事，未有交代原因。有報道指主辦的慈善組織「點滴是生命」，疑與邪教組織有關，多年來擔任活動宣傳大使的方力申，今日(9日)現身尖沙咀出席《方力申Perfect Moment最佳時間演唱會2026》記者會，方力申首度開腔回應，被問到取消原因時，他自言不太清楚，「其實我都係同大家差唔多同一時間知個活動會取消。」
方力申自言入行25年，一直都支持不同慈善機構並擔任大使，抱著回饋社會的心態，「即係自己好感恩好幸福，所以想將我嘅幸福感恩去饋社會，去幫助慈善機構服務嘅對象，令到佢哋得到更多嘅關心，同更多嘅支援，其他嘅嘢其實我係唔知道，如果有需要回應就可以問返個機構。」對於該組織被定性為邪教，會否感意外？方力申表示：「我諗同大家嘅反應係一樣囉，如果想了解更多，就問返個機構。(日後會否合作？)我諗要了解清楚先。」
ADVERTISEMENT
送QOLLABS美顏益生菌膠原蛋白粉（高效版）
