吳業坤驚爆跟公司有勞資糾紛？王敏奕原來仲有歌手合約

吳業坤與王敏奕昨日（8日）出席77工作室的春茗，早前坤哥被無綫旗下的TMG除名，被問到他現時的狀況，「仲係未知數，到呢一刻都仲未同老闆有個真係好詳細嘅溝通，暫時都專注依家有嘅工作先，啱啱拍完個綜藝，之後又要開劇。」問到他要甚麼條件，他表示最著重大家的理念是否一致，同時也不忘透露自己的要求：「出多啲歌、開多啲騷、唱多啲主題曲、拍MV無限budgets、寫埋歌俾劇集、其他歌手！自己都係做細，一切由上面安排啦！」當再追問被除名是否代表離巢，他說：「可能係啲勞資糾紛問題啦！講笑！總之都仲係好開放討論空間，我相信公司都未有一個決定，等大家傾好晒先再發表。」

問到會否寫歌俾王敏奕，坤哥回答：「如果我哋《新聞》有得繼續嘅話⋯⋯」王敏奕即笑說：「《新聞》有得繼續先寫呀？」同樣有歌手合約的她提到，自己在音樂上的發展比較隨性，自己也有做了些音樂作品，稍後有機會便推出，坦言藝人比較被動，因為公司安排給她較多拍劇工作，自己會專心演好角色，加些自己也對演員的興趣較大，所以先專注在拍劇上，一切順其自然。