【靚仔有學識】瀧澤秀明採集岩石登大學論文

尊尼事務所35歲男星瀧澤秀明，睇得唱得又演得，藝能事業以外，仲係一名岩石專家。瀧澤一向對岩山非常有興趣，喺2013年開始組隊到各火山探索兼收集岩石。瀧澤喺上年為NHK電視台拍攝節目，登上火山採岩石。之後，就為神戶大學的論文提供資料。一直研究位於薩摩半島沖海底火山「鬼界カルデラ」嘅神戶大學海洋底探查中心，最近發表論文。論文內就發現瀧澤秀明嘅名字。神戶大學教授巽好幸表示 : 「沒有瀧澤先生採集的岩石，就不可能作出分析，論文就不能完成了。」所以教授決定加上瀧澤嘅名字。而這篇論文，更登上英國科學雜誌網站《Scientific Reports》內。