【拍劇撻著】成勛宋枝恩否認假戲真做

韓劇《焦急的羅曼史》35歲男星成勛，被爆熱戀細佢8年嘅宋枝恩！韓媒報道，成勛同宋枝恩去年拍攝《焦急的羅曼史》而撻著，喺殺青後開始拍拖，而去年9月成勛舉辦fans見面會，宋枝恩亦有撐場。報道又指，兩人喺錄製主題曲時，顯得好曖昧，連劇組人員都懷疑兩人嘅關係。
不過，成勛所屬嘅Stallion娛樂回應：「兩人只係關係要好嘅同事，唔係情侶關係。」宋枝恩亦喺IG否認有關報道：「該劇為大家帶來好多回憶。工作人員同演員都延續了這個珍貴緣份，成勛哥哥也是其中一個親近的同事。不想對和我有關係的人產生傷害，希望大家不要誤會。」