【易肥又易瘦】喬妹滅甩幸福肥少女短裙放閃

韓劇《太陽的後裔》女星宋慧喬喺去年10月尾同宋仲基拉埋天窗後，本月中首次喺韓國出席公開活動，為代言嘅護膚品牌宣傳，當日佢身形圓潤，盡顯幸福肥。事隔10日，喬妹火速鏟肉，今日現身釜山出席慈善路跑活動時，重現尖尖下巴，且露出白皙纖細美腿，配白色連身短裙及俏麗短髮，散發少女味。喬妹今日心情大好，不斷向圍觀市民揮手，一展親民態度。