【即時娛樂】68歲李察基爾同34歲嫩女友訂婚

68歲美國男星李察基爾(Richard Gere)同34歲女友Alejandra Silva拍拖兩年，一直相當恩愛，昨爆出兩人已秘密訂婚，父女戀修成正果？Alejandra Silva同李察基爾日前現身西班牙參議院時，女方不經意大晒左手上閃爆鑽戒，當場成為娛樂焦點，兩人更傳出訂婚消息。由於佢地父女戀已拍拖兩年，外界都睇好風度翩翩嘅李察基爾，能夠抱得美人歸。
李察基爾有過兩段婚姻，首任妻子係超模仙蒂歌羅馥(Cindy Crawford)，兩人嘅1991年結婚，維持4年、於1995年離婚收場，李察基爾喺2002年同女星Carey Lowel再婚，不過婚姻只維持11年，喺2013年宣佈分居，直到去年正式離婚。