【大個仔喇】37歲金田一一轉做打工族

唔睇漫畫都應該聽過「金田一」個名，90年代推出嘅日本偵探漫畫「金田一少年之事件簿」瘋靡亞洲，之後數度拍攝劇集、電影，依然大收旺場。漫畫至今20多年，金田一一由高中生變成現時嘅大個仔，已經37歲喇，仲係上班族添。「講談社」旗下漫畫《Evening》由今期開始，將會連載「金田一37歲之事件簿」。全新故事講述已變成上班族嘅主角金田一一，除咗繼續解開謎團之外，仲要應付日常生活嘅煩惱事。