【即時娛樂】渡邊謙出軌妻暴瘦8公斤變紙片人

日本影帝渡邊謙上月承認背著患癌嘅第二任女星太太南果步偷食，不倫戀仲長達3年，令南果步大受打擊。近日南果步出席日劇慶功，冇戴婚戒，更暴瘦8公斤。南果步喺新劇《定年女子》中，亦飾演因老公外遇而離婚嘅女人，同現實生活十分相似。據劇組人員指，開朗嘅南果步經常一個人面對牆壁發呆，心情低落。
南果步原本僅重48公斤，因患癌加上老公有外遇，令佢暴瘦剩40公斤，變成紙片人。據悉，渡邊謙明年將演出NHK大河劇，夫妻兩同NHK達成協議，該劇播出期間將不會離婚。