【即時娛樂】荷李活再流出女星裸照

荷李活再發生女星遭黑客盜取私密照事件！繼今年3月「妙麗」Emma Watson同Amanda Seyfried嘅裸照流出後，現有網站公開女星嘅私密裸照，當中更包括前世界高球一哥老虎活士(Tiger Woods)。據《TMZ》報道，有色情網站公開女星裸照，包括美國歌手Miley Cyrus、女星姬絲頓史釗域(Kristen Stewart)，及老虎活士。其中有一張係男子喺高球場裸體打球，而Miley則半裸隨地小便，姬絲頓有多張無上裝照片，及同女友嘅床照。
老虎活士證實照片被盜，係佢同前女友、美國滑雪女王禾恩(Lindsey Vonn)拍拖時傳俾佢嘅，不過禾恩手機被黑客入侵。活士已搵律師發警告信俾有關網站，要求將照片下架，否則提出控告。