【即時娛樂】金泰希被爆陀B女預產期為10月底

37歲南韓女星金泰希今年5月宣佈陀B，目前已懷孕7個月，日前佢被網民目擊同老公Rain及老爺到意大利度假。今日南韓媒體爆料，指金泰希陀嘅係B女，夫妻倆得知後非常開心。據悉，金泰希目前揀非繁忙時間到醫院做產檢，日前做咗BB性別測試，得知係女仔，預計B女於10月底或11月初出世。金泰希經理公司證實預產期為10月底，但唔清楚性別，「性別不重要，寶寶健康才最重要。」