【即時娛樂】有村架純人氣高廣告海報市值4,850元

24歲日本純情玉女有村架純，因NHK晨早劇《雛鳥》人氣高企，就連護膚品牌嘅廣告海報都有人偷，而且市價高達4,850港元！日前一名52歲男上班族，涉嫌喺日本福岡偷竊有村架純大型poster被警察拘捕。據悉，佢係有村架純嘅fans，且承認曾喺其他店以同樣手法偷海報，今次想將海報放上網販賣，市值約7萬日圓。警方透露，呢類盜取牆上廣告箱內嘅海報事件層出不窮，所以店主早就加強警備，男子一落手就被逮捕。