【即時娛樂】李準基全慧彬甜蜜家中約會

韓版《步步驚心》34歲男星李準基，3年前演出電視劇《朝鮮槍手》時，就傳同細一年嘅女星全慧彬假戲真做，當時雙方否認。今日韓媒《SBS funE》指，兩人多次喺女方江原道嘅別墅約會，已拍拖兩年，附近居民經常見到佢地，又話佢地舉止親密，好似一般情侶，雙方經理公司表示「正與2人確認中」。隨後，韓媒《Dispatch》亦曝光兩人約會相，佢地不斷被目擊喺彼此嘅屋企見面，仲一齊養寵物，並開同一架保時捷cayenne，又一齊到餐廳同朋友食飯，李準基戴口罩掩人耳目，全慧彬則大方不遮掩。