【即時娛樂】《舉重妖精金福珠》成定情作李聖經南柱赫拍拖5個月

26歲韓國人氣女星李聖經，同23歲新生代男神南柱赫因韓劇《舉重妖精金福珠》撻著5個月，佢地所屬經理公司YG至今仍未發表聲明。知情人士爆料，李聖經同南柱赫合作該劇後，愈行愈埋，喺1月劇集播完後開始拍拖。而韓媒《Dispatch》隨後亦影到兩人多張約會相，透露佢地由去年聖誕開始拍拖，只要冇工開，99%就係拍拖，身邊人士話：「兩人都係模特兒出身，再轉戰娛樂圈，又係同公司，自然有好多話題」。